Grafik med mange forskellige bannere, lavet til kajakparade, arrangeret af Mellemfolkeligt Samvirke

Kalaallit Nunaat pillugu qajartorlutik takutitsisoqassaaq

Aggustip 9-iat 2026 | København

FN-ip Nunat Inoqqaavisa Ulluanni Uagut – Landsorganisationen for Grønlændere i Danmark – aamma Mellemfolkelig Samvirke immikkut ittumik Kalaallit Nunaat, kalaallit kulturiat kiisalu Kalaallit Nunaata Danmark-illu naalagaaffeqatigiinnerat nalliuttorsiorniarlugit qaaqqusipput.

Aggustip 9-iani København-ip Umiarsualiviani qajartortut Kalaallit Nunaatalu erfalasua takuneqarsinnaassapput. Tassani tusarnaartitsisoqassaaq, uaajeertoqassaaq, erinarsoqatigiittoqassaaq kiisalu immami angalasoqassalluni.

Ataatsimoorluta København-ip qeqqani Kalaallit Nunaat nalliuttorsiussavarput.

Qaqugu: Aggustip 9-iani, nal. 11.00 – 17.30
Sumi: Nordatlantens Brygge, Ofelia Plads, Sandkaj Nordhavns Bassin-ip eqqaani, København-imi

Køb billet via Billetto

Kalaallit Nunaat pillugu qajartorlutik takutitsisut

Nammineq qajat – imaluunniit qajaq attartugaq – nassarlugu København-ip Umiarsualiviani immikkuullarissumik takutitseqataagit.

Takutitsinermi erinarsoqatigiit INUANIMA tusarnaartitsissapput: Nipilersortartoq uaajeertartorlu affarmik kalaaleq Aviaja Lumholt tassani peqataassaaq. Taassuma immami kalaallit oqaluttuatoqaat oqaluttuarissavai, qilaatersussaaq kiisalu tusarnaartitsissalluni.

Nordatlantens Brygge-p, Ofelia Plads-ip, Nordhavn-imilu Sandkaj-imi qajartortut ingiaqatigalugit tusarnaartitsineranni peqataasinnaavutit.

Peqataanermi Kayak Bar-imi imigassanut 20%-imik rabat-issaatit – tiimerpassuit immami angalaarnikuulluni ulloq nuannersumik naggaserlugu.

Sumi: Strandgade 91
Qaqugu: Aggustip 9-iat 2026, nal. 13.30 – 16.30
Bilitsi Billetto-kkut pisiarineqarsinnaavoq.

Køb billet via Billetto

Immami angalaqataallutit ’København-imi Kalaallit Nunaat’ misigisinnaavat.

’København-imi Kalaallit Nunaat’ Stromma-p umiatsiaanni ilaallutit misigisinnaavat. Umiatsiat Kalaallit Nunaata erfalasua nassarlugu København-ip immakkut aqqutai kalaallit isiginnittaasiannit takutissavaat.

Peqataasut audioguide (nipimik ilitsersuut) download-ersinnaavaat København-imi Kalaallit Nunaat pillugu oqaluttuunneqarsinnaallutik.

Sumi: København-ip immap aqqutaatigut angalaneq – aqqut juulimi saqqummerneqassaaq
Qaqugu: Aggustip 9-iat, nal. 11.00 – 15.00
Bilitsisineq juulimi ammarneqassaaq.

Kanalrundfart med Grønland som tema, arrangeret af Mellemfolkeligt Samvirke

Stromma

Qaannakkut takutitsineq, tusarnaartitsineq, uaajeerneq qajaliornerlu misigisinnaavatit

Nordatlantens Brygge-mi qajaliorneq kiisalu kalaallit qajaliaat immami takutinneqarnerat malinnaavigisinnaavat.
Erinarsoqatigiit INUÁNIMA Ofelia Plads-imi aamma Nordatlantens Brygge-mi tusarnaarsinnaavatit
Ofelia Plads-imi erinarsoqataasinnaavutit

Kulturi, ataatsimoorneq ataqqinninnerlu nalliuttorneqassapput

Qajaq angallataannaanngilaq: Kalaallit oqaluttuassartaannut kinaassusaannullu aamma ilisarnaataavoq. Qajartornikkut takutitsinermi inuit ataatsimoortikkusuppagut, Kalaallit Nunaata Danmark-illu naalagaaffeqatigiinnerat nukittorsarusupparput kiisalu inuiaat kalaallit kinguaariit arlalinni kulturerinikuusaat nalliuttorsiorusupparput.

Kalaaliuguit, qallunaajuguit, allamik tunuliaqutaqaruit imaluunniit Kalaallit Nunaat alapernaaffigerusuinnarukku tikilluaqqusaavutit.

Ulloq ataatsimoorfiusumi kulturi, tusarnaartitsinerit immamilu angalaarneq peqataaffigikkit.

Ullormut pilersaarut

Nal. 11.00 – 15.00:
’Kalaallit Nunaat København-imi’ immap aqqutaatigut angalaneq (juulimi saqqummerneqarumaarpoq)

Nordatlantens Brygge

Nal. 12.30 – 14.30
Qajaliorneq Svend Ulstrup / Qajak København peqatigalugu

Nal. 13.30
Kalaallit Nunaat pillugu qajartorlutik takutitsisussat aallartissapput

-Julie Rademacher, Uagut – Landsorganisation for Grønlændere i Danmark-imi pisortaq oqalugiassaaq

- INUANIMA, Aviaja Lumholt tusarnaartitsissaaq

Nal. 14.30
Qajartortut Ofelia Plads-ip tungaanut aallassapput

Ofelia Plads

Nal. 15.00
Qajartortut Ofelia Plads-imut apuutissapput

INUANIMA, Aviaja Lumholt tusarnaartitsissaaq

Kalaallisut erinarsoqatigiinneq

Nal. 15.30
Qajartortut Sandkaj / Nordhavns Bassin tungaanut aallassapput

Sandkaj, Nordhavns Bassin

Nal. 16.00
Qajartortut Sandkaj-imut apuutissapput

INUANIMA, Aviaja Lumholt tusarnaartitsissaaq

Takutitsineq nipilersornerlu

Qajartortuni sallerpaajussapput erinarsoqatigiit INUANIMA, erinarsortartoq uaajeertartorlu Aviaja Lumholt umiarlummi ilaassalluni. Angalanerata nalaani umiarluk Nordatlantens Brygge-mi, Ofelia Plads-imi Nordhavns Bassin-illu eqqaanni Sandkaj-imi tulassapput. Tassani INUANIMA tusarnartitsillutillu takutitsissapput. Kalaallit oqaluttuatoqaat, uaajeerneq, qilaatersorneq nutaajunerusumillu nipilersorneq aallaavigalugit ulloq nalliuttorsiorneqassaaq.

INUANIMA optræder til Copenhagen Harbour Parade

Jacob Crawfurd

Kajumissutsinnik suleqataagit

Kajumissutsinnik suleqataaguit peqataasut immikkuullarissumik misigitissavatit. Kalaallit Nunaata nalliuttorneqarnissaa kalaallillu kulturiannik paasititsiniaaneq siunertaapput.

Erfalasunik amuserusuttunik, goodie bags-inik tunioraarusuttunik kiisalu Kajakhotellet aamma Kayakbar-imi ikiueqataasunik pisariaqartitsivugut.

Kajumissutsinnik suleqataarusukkuit: frivillig@ms.dk allaffigissavat

Suleqativut

Kajakhotellet - Stromma - Kayakbar - Det Grønlandske Hus i København - Qajak København - Grønlands Selvstyre - Dansk Kano og Kajakforbund -Kulturdistriktet - By & Havn